Viaduto de Pontevedra

O 7 de marzo de 1882 comezaron as obras de levantamento das cepas de pedra do viaduto.
A inauguración tivo lugar o 30 de xuño de 1884, tres anos máis tarde ca o viaduto de Ourense, o outro que existe na vila.
O viaduto está realizado sobre 10 arcos de pedra de perpiaño nos dous extremos e soportes metálicos ao longo do van (a diferenza do viaduto de Ourense, que son de pedra).
A lonxitude férrea que sobrevoa a vila ten 150 metros. O van central mide 57,5 metros de lonxitude, e os laterais 46 metros cada un.
A altura na parte central acada os 26,5 metros e unha anchura de 5 metros.
En total, contando os tramos metálicos cos arcos de pedra, a ponte alcanza unha lonxitude próxima aos 250 metros.

VILA DOS VIADUTOS
Grazas ás dúas pontes ferroviarias que a atravesan, Redondela e coñecida como a “vila dos viadutos” e son as dúas principais iconas que identifican a vila de Redondela.

DESEÑO
O deseñador desta ponte foi Mariano Carderera Ponzán (1846-1916), director da Escola de Enxeñeiros de Camiños e autor de diversos proxectos ferroviarios daquela época.

As pezas metálicas que constitúen toda a armazón son de ferro laminado en celosía sobre base de pedra e foron fabricadas en Cataluña pola compañía Maquinista Terrestre y Marítima de Barcelona, unha empresa que chegou a construír máis de catrocentas obras deste estilo durante o último cuarto do século XIX. O ferro laminado constituía un gran avance sobre os materiais anteriores: a madeira e a fundición.

PONTESAMPAIO
(imaxe interactiva)

Outra ponte, continuadora desta, camiño de Pontevedra, foi a de Pontesampaio, sobre o río Verdugo, entre os concellos de Soutomaior e Pontevedra. Foi construída pola mesma empresa e realizada coa mesma técnica metálica. 

LOCOMOTORA PONTEVEDRA
A locomotora que realizou aquel primeiro paso pola ponte chamábase “Pontevedra”, e aínda hoxe segue en funcionamento.
Inauguración da liña Redondela-Pontevedra

Noutra imaxe antiga amósase a inauguración da liña Redondela-Pontevedra na que tamén se pode ver a locomotora "Pontevedra". A máquina estaba adornada cos escudos de armas da cidade e de Barcelona, bandeiras, gallardetes e guirlandas.

REHABILITACIÓN
Ata o ano 2017 a ponte estaba pintada de gris. A partir dese ano comezaron as obras de mellora de toda a estrutura e foi pintada finalmente de cor verde escura.

Na actualidad aínda non conta coa catalogación de ben e interese cultural (BIC).

Fontes de información:

Publicacións populares deste blog

Paseo da Portela

Imaxe
MIRADOIRO Achegámonos a este punto desde onde contemplar a desembocadura dos ríos Alvedosa e Pexegueiro e a entrada na enseada de San Simón. Tamén podemos ver unha importante variedade de fauna asociada a este tipo de contorna natural intermareal. Este agradable paseo de madeira levaríanos ata o barrio da Portela percorrendo toda a beira da enseada, unha ruta que tamén invitamos a realizar para completar a nosa visita á vila de Redondela. (imaxe interactiva) DIQUES Desde a confluencia dos dous ríos ata a punta da Portela, na entrada da enseada, discorren dous diques paralelos de pedra que teñen como función principal a canalización da corrente fluvial. Cando se construíu, a comezos do s. XX, a intención era facilitar o calado para a navegación de navíos na entrada do porto de Redondela e evitar así as perigosas barras que hoxe podemos ver en marea baixa, formadas pola achega de sedimentos dos ríos Pexegueiro e Alvedosa. Desde o século XVI a intensificación da deforestación, coa consecu...
Ler máis

Porta da Vila

Imaxe
Podemos entender que para un lado e outro desta porta discorría a antiga muralla que envolvía o centro histórico. Cara ao oeste desapareceu baixo as novas edificacións, mais cara ao leste aínda se conserva parte do lenzo da muralla, subindo pola rúa Telmo Bernárdez, quizais non orixinal na súa totalidade. PORTAS DA VILA En total había seis portas ao longo do perímetro da muralla. PORTA DA VILA: situada ao norte, fronte a entrada do barrio da Farrapada, como xa describimos antes. Era a saída norte da vila, o antigo Camiño Real que nos leva para Santiago. Hoxe en día dá acceso á rúa Isidoro Queimaliños e ten a súa saída no outro extremo pola antiga porta do Val, ao carón da actual casa da Torre. PORTA DO ESTALEIRO: está orientada cara ao oeste, onde remata a rúa Reveriano Soutullo na súa confluencia coa praza da Constitución. Esta praza, na antigüidade tamén se chamou praza do Estaleiro. Entrando por esta porta e percorrendo a actual rúa de Reveriano Soutullo chegariamos á outra antiga...
Ler máis

Aparcadoiro e inicio

Imaxe
APARCADOIRO: Este aparcadoiro libre discorre ao longo da beira do río Alvedosa e remata ao carón da depuradora de augas. (imaxe interactiva) FEIRA: Esta explanada é un dos lugares habilitados para a feira que se celebra os días 6 e 21 de cada mes. A feira é diversa, con postos de roupa e complementos, flores, alimentos, plantas e ferramentas agrícolas. As feiras de Redondela constan en diferentes documentacións dende o século XVII en diante. A periodicidade de celebrala o 21 de cada mes data xa do ano 1838. O día 6 foi incorporado a partir de 1923. Ata que a lexislación prohibiu a venda de animais nas feiras, Redondela contaba tamén coa feira de gando máis importante da bisbarra. MARISMA E RECHEO: Ata mediados do século XX todo o que se ve ao noso arredor era unha marisma formada na confluencia da desembocadura dos ríos Alvedosa (que atravesa o centro da vila) e o río Pexegueiro (que provén da zona alta da parroquia do Viso e desemboca pola beira norte da depuradora. Quedan restos do q...
Ler máis