Tallista José Fernández "Sesé"
No eido da súa casa en Vilavella podemos contemplar unha parte da súa obra en exposición ao aire libre.
Destacan dúas das súas figuras máis repetidas e representativas:
O Xan Carallás. Unha figura ficticia representativa da iconografía de personaxes populares de Redondela na actualidade. Como escultura naceu a partir dun debuxo realizado por Castelao sobre o ano 1930 por petición dun grupo de amigos de Redondela que formaban unha peña. A inscrición que levan as figuras de Xan Carallás, en cambio, é do ano 1900, tal como apareceu na publicación Vida Social de Vigo:
E a emblemática Coca, da que xa falamos cando nos referimos á celebración do Corpus en Redondela.
Xunto a estas dúas figuras emblemáticas tamén podemos ver dúas grandes rodas de carro, unha gaita e, xa como obra de cantería en pedra, un cruceiro tradicional galego.
Os irmáns "Sesé (20-03-1914) e Benito (21-03-1916), naceron en Santa Mariña, Redondela. Xuntos abriron o taller de carpintería “Hermanos Fernández”, no que formarían a outros bos ebanistas, como Antonio Martínez Álvarez “Tonacho” e Manuel Alonso “Fallusca”.
Participaron en numerosas exposicións, e recibiron nos anos 40 e 50 varios premios a nivel provincial tanto de forma conxunta como individualmente. Foron fundadores da Peña de Xan Carallás, realizando Sesé o Xan Carallás de madeira que se convertería na “mascota” da peña. Obra do seu taller foi a representación das ánimas do cruceiro de Pasais, sustituída nos anos 80 por outra realizada por Sesé, que tamén realizaría varios traballos para a capela de Santa Mariña.
Benito casaría en Pontevedra creando alí o seu propio taller, mentres que Sesé seguiría en Redondela, tallando “Xan Carallases”, “Cocas” e cadros de debuxos de Castelao entre outros".
FONTE DE INFORMACIÓN
(imaxe interactiva)
