Edificio do concello

O edificio do concello foi construído entre os anos 1952-1955. Presenta un estilo rexionalista herdado da liña estilística desenvolvida polo arquitecto Gómez Román nos anos vinte do pasado século.


O rexionalismo naceu como unha corrente arquitectónica que se desenvolveu a comezos do século XX, que contestaba, desde unha óptica galega, as expresións que dominaban as construcións daquela época, como o eclecticismo ou o modernismo.

O rexionalismo arquitectónico galego tomou a súa inspiración nos pazos barrocos galegos. Neste edificio do concello podemos observar os seguintes elementos caracterizadores:

No xogo de volumes presente no edificio destaca a torre, como principal expresión ornamental, colocada nunha das esquinas, como elemento de unión entre as dúas fachadas máis relevantes e que ofrece a perspectiva máis atractiva da edificación. Esta torre é recorrente entre as construcións rexionalistas. Aquí en Redondela temos dous exemplos máis pertencentes a este estilo: a torre do pazo de Petán e a torre do convento de Vilavella.

A fachada principal está orientada cara aos xardíns da alameda e presenta unha configuración tradicional co balcón do salón de plenos encima da entrada principal. Esta fachada está por un frontón que contén o escudo de Redondela con pináculos a ambos os lados.

A fachada lateral está orientada cara á rúa Afonso XII e proporciónalle ao edificio unha imaxe diferente e con personalidade propia, que esteticamente destaca máis ca a fachada principal. Nela salienta o gran balcón corrido situado sobre os soportais con cinco arcos de pedra.


Se nos fixamos na ornamentación xeral do edificio, observaremos tamén elementos decorativos característicos da arquitectura rexionalista herdeira dos pazos barrocos: as ameas que percorren a parte superior da torre, os pináculos da esquinas, as clásicas orelleiras barrocas -bastante esqueméticas neste caso- que arrodean os vans de portas e xanelas, as lumieiras que se engaden na parte superior das xanelas, ou o estilo ondulante da ménsulas labradas que sosteñen os balcóns.


(imaxe interactiva)

Publicacións populares deste blog

Paseo da Portela

Imaxe
MIRADOIRO Achegámonos a este punto desde onde contemplar a desembocadura dos ríos Alvedosa e Pexegueiro e a entrada na enseada de San Simón. Tamén podemos ver unha importante variedade de fauna asociada a este tipo de contorna natural intermareal. Este agradable paseo de madeira levaríanos ata o barrio da Portela percorrendo toda a beira da enseada, unha ruta que tamén invitamos a realizar para completar a nosa visita á vila de Redondela. (imaxe interactiva) DIQUES Desde a confluencia dos dous ríos ata a punta da Portela, na entrada da enseada, discorren dous diques paralelos de pedra que teñen como función principal a canalización da corrente fluvial. Cando se construíu, a comezos do s. XX, a intención era facilitar o calado para a navegación de navíos na entrada do porto de Redondela e evitar así as perigosas barras que hoxe podemos ver en marea baixa, formadas pola achega de sedimentos dos ríos Pexegueiro e Alvedosa. Desde o século XVI a intensificación da deforestación, coa consecu...
Ler máis

Porta da Vila

Imaxe
Podemos entender que para un lado e outro desta porta discorría a antiga muralla que envolvía o centro histórico. Cara ao oeste desapareceu baixo as novas edificacións, mais cara ao leste aínda se conserva parte do lenzo da muralla, subindo pola rúa Telmo Bernárdez, quizais non orixinal na súa totalidade. PORTAS DA VILA En total había seis portas ao longo do perímetro da muralla. PORTA DA VILA: situada ao norte, fronte a entrada do barrio da Farrapada, como xa describimos antes. Era a saída norte da vila, o antigo Camiño Real que nos leva para Santiago. Hoxe en día dá acceso á rúa Isidoro Queimaliños e ten a súa saída no outro extremo pola antiga porta do Val, ao carón da actual casa da Torre. PORTA DO ESTALEIRO: está orientada cara ao oeste, onde remata a rúa Reveriano Soutullo na súa confluencia coa praza da Constitución. Esta praza, na antigüidade tamén se chamou praza do Estaleiro. Entrando por esta porta e percorrendo a actual rúa de Reveriano Soutullo chegariamos á outra antiga...
Ler máis

Aparcadoiro e inicio

Imaxe
APARCADOIRO: Este aparcadoiro libre discorre ao longo da beira do río Alvedosa e remata ao carón da depuradora de augas. (imaxe interactiva) FEIRA: Esta explanada é un dos lugares habilitados para a feira que se celebra os días 6 e 21 de cada mes. A feira é diversa, con postos de roupa e complementos, flores, alimentos, plantas e ferramentas agrícolas. As feiras de Redondela constan en diferentes documentacións dende o século XVII en diante. A periodicidade de celebrala o 21 de cada mes data xa do ano 1838. O día 6 foi incorporado a partir de 1923. Ata que a lexislación prohibiu a venda de animais nas feiras, Redondela contaba tamén coa feira de gando máis importante da bisbarra. MARISMA E RECHEO: Ata mediados do século XX todo o que se ve ao noso arredor era unha marisma formada na confluencia da desembocadura dos ríos Alvedosa (que atravesa o centro da vila) e o río Pexegueiro (que provén da zona alta da parroquia do Viso e desemboca pola beira norte da depuradora. Quedan restos do q...
Ler máis